આગામી દિવાળી અને છઠ્ઠ પૂજા તહેવારોને ધ્યાનમાં રાખીને પશ્ચિમ રેલ્વે દ્વારા મુસાફરોના ઘસારાને પહોંચી વળવા માટે વધુ બે સાપ્તાહિક સ્પેશિયલ ટ્રેનો દોડાવવાનો નિર્ણય કરવામાં આવ્યો છે.
વલસાડ-હિસાર સાપ્તાહિક સ્પેશિયલ ટ્રેન દર ગુરુવારે બપોરે ૨.૫૦ કલાકે વલસાડથી ઉપડશે અને બીજા દિવસે બપોરે ૨.૦૫ કલાકે હિસાર પહોંચશે. આ ટ્રેન ૧૬ ઓક્ટોબરથી ૬ નવેમ્બર સુધી દોડશે. બાંદ્રા ટર્મિનસ-જયપુર સાપ્તાહિક સુપરફાસ્ટ સ્પેશિયલ ટ્રેન દર ગુરુવારે બપોરે ૨ઃ૪૦ ક્લાકે બાંદ્રા ટર્મિનસથી ઉપડશે અને બીજા દિવસે સવારે ૧૦.૫૦ કલાકે જયપુર પહોંચશે. આ ટ્રેન ૧૬થી ૩૦ ઓક્ટોબર સુધી ચાલુ રહેશે.
