- કોંગ્રેસના કાર્યકરે પૂર્વ વિસ્તારમાં પાણીની અછત વચ્ચે થઈ રહેલા પાણીના વેડફાટ અંગે તંત્ર સામે સવાલો ઉઠાવ્યા

વડોદરા શહેરના વોર્ડ નંબર ૬માં સમાવિષ્ટ વારસિયા વિસ્તારમાં પાણી પુરવઠાની ઓફિસ નજીક આજે રાત્રે પાણીની લાઇનમાં ભંગાણ થતા રસ્તા પર પાણીની રેલમછેલ જોવા મળી હતી. મુખ્ય માર્ગ તેમજ આસપાસના વિસ્તારોમાં કલાકો સુધી પાણી વહેતું રહેતાં લોકોને મુશ્કેલીનો સામનો કરવો પડ્યો હતો. હજારો લીટર પાણી બિનજરૂરી વહી જતા નાગરિકોમાં રોષ જોવા મળ્યો હતો.

આ બનાવને લઈને કોંગ્રેસના કાર્યકરે પૂર્વ વિસ્તારમાં પાણીની અછત વચ્ચે થઈ રહેલા પાણીના વેડફાટ અંગે તંત્ર સામે સવાલો ઉઠાવ્યા હતા. અને તાત્કાલિક સમારકામ કરીને પાણીનો વેડફાટ અટકાવવાની માગ કરી છે.