- SIR કામગીરી દરમિયાન તૈયાર કરાયેલી ડ્રાફ્ટ યાદીમાં કુલ 21,85,205 મતદારો જાહેર કર્યા હતા જેમાં 34,890 મતદારોનો વધારા થતાં ફાઇનલ યાદીમાં 22,20,095 મતદારો નોંધાયા

રાજ્યભરમાં SIRની કામગીરી પૂર્ણ કરવામાં આવી છે, ત્યારે વડોદરા જિલ્લા કલેક્ટર દ્વારા પણ ફાઇનલ મતદાર યાદી જાહેર કરવામાં આવી છે. આ મતદાર યાદીમાંથી વર્ષ 2025માં યોજાયેલી ચૂંટણીમાં નોંધાયેલા મતદારો કરતા પાંચ લાખ જેટલા મતદારોના નામ કમી થઈ ગયા છે.

ઉલ્લેખનીય છે કે, વડોદરાની SIR કામગીરી દરમિયાન તૈયાર કરાયેલી ડ્રાફ્ટ યાદીમાં કુલ 21,85,205 મતદારો જાહેર કર્યા હતા. જેમાં 34,890 મતદારોનો વધારા થતાં ફાઇનલ યાદીમાં કુલ 22,20,095 મતદારો નોંધાયા છે. 

આ પ્રક્રિયાના પ્રથમ તબક્કા બાદ કુલ 5,04,618 મતદારોના નામો ડિલીટ થઇ જશે તેમ પ્રાથમિક બહાર આવ્યું હતું. જિલ્લામાં મતદારયાદી સુધારણાની ખાસ ઝુંબેશ અંતર્ગત શહેરની પાંચ અને જિલ્લાની પાંચ મળી કુલ 10 વિધાનસભા બેઠકો પર નોંધાયેલા કુલ 26,89,117 મતદારોનું વેરિફિકેશન બીએલઓ દ્વારા હાથ ધરવામાં આવ્યું હતું જેમાં 5,04,618 મતદારોના નામો કમી થાય તેમ હતું અને કુલ મતદારો તે સમયે 21,85,205 નોધાયા હતાં. જ્યારે બીજા તબક્કામાં મતદારયાદીમાં નામ ઉમેરવા, સુધારવા તેમજ મતક્ષેત્ર બદલવા અંગેની પ્રક્રિયા હાથ ધરાઇ હતી જેમાં એસઆઇઆર બાદ નોંધાયેલા મતદારો કરતા વધુ 34,890 મતદારોનો ઉમેરો થયો હતો. આજે ચૂંટણી પંચ દ્વારા ફાઇનલ મતદારયાદી જાહેર કરવામાં આવી હતી. જેમાં વડોદરાની 10 બેઠકો પર 22,20,095 મતદારોના નામો નોંધાયા છે. આ યાદીમાં મતદારોના નામો અંદર છે કે નહી તે ચૂંટણીપંચની વેબસાઇટ અથવા પોર્ટલ પરથી જાણી શકાશે.

વડોદરા જિલ્લાની 10 વિધાનસભામાં વર્ષ 2025માં 26 લાખ જેટલા મતદારો નોંધાયા હતા. જોકે SIRની કામગીરીમાં આ પૈકી 5 લાખ જેટલા મતદારોના નામ કમી થયા છે. નવી યાદી મુજબ હવે 22,20,095 મતદારો છે. વર્ષ 2025માં 26,89,117 મતદારો હતા. આગામી સમયમાં સ્થાનિક સ્વરાજ્યની ચૂંટણીઓ આવી રહી છે, ત્યારે હવે આ નવી મતદાર યાદી મુજબની કવાયત હાથ ધરવામાં આવશે.

2025ની ચૂંટણીમાં નોંધાયેલા મતદારો

સાવલી 2,36,438

વાઘોડિયા 2,54,923

ડભોઇ 2,44,412

વડોદરા શહેર 3,21,424

સયાજીગંજ 3,05,494

અકોટા 2,83,487

રાવપુરા 3,06,050

માંજલપુર 2,72,391

પાદરા 2,47,031

કરજણ 2,17,467

કુલ 26,89,117

કમી થયેલા મતદારો

સાવલી 27,990

વાઘોડિયા 35,490

ડભોઇ 31,487

વડોદરા શહેર 74,801

સયાજીગંજ 71,780

અકોટા 62,802

રાવપુરા 82,633

માંજલપુર 59,936

પાદરા 29,779

કરજણ 27,236

કુલ 5,03,934

નવી યાદી મુજબ મતદારો

સાવલી 2,10,750

વાઘોડિયા 2,22,617

ડભોઇ 2,16,251

વડોદરા શહેર 2,49,058

સયાજીગંજ 2,39,870

અકોટા 2,25,506

રાવપુરા 2,26,410

માંજલપુર 2,18,120

પાદરા 2,19,621

કરજણ 1,91,892

કુલ 22,20,095