- આ હુકમનો ભંગ કરનાર વ્યક્તિઓ સામે ભારતીય ન્યાય સંહિતા-2023ની કલમ-223 હેઠળ કાર્યવાહી કરવામાં આવશે

વડોદરા શહેર પોલીસ કમિશનર દ્વારા જાહેરનામું બહાર પાડીને આગામી 9 જૂન દરમિયાન વડોદરા શહેરને નો ડ્રોન ફ્લાય ઝોન જાહેર કરવામાં આવ્યો છે. પોલીસ વિભાગ અને સુરક્ષા દળો દ્વારા ઉપરોક્ત સાધનોનો ઉપયોગ કરવા માટે આ જાહેરનામામાંથી મુક્તિ આપવામાં આવી છે. આ હુકમનો ભંગ કરનાર વ્યક્તિઓ સામે ભારતીય ન્યાય સંહિતા-2023ની કલમ-223 હેઠળ કાર્યવાહી કરવામાં આવશે.

આ સાધનોનો ઉપયોગ સંપૂર્ણપણે પ્રતિબંધિત છે

રિમોટ કંટ્રોલથી ચાલતાં ડ્રોન (DRONE)

ક્વાડ કોપ્ટર (QUADCOPTER)

પાવર્ડ એરક્રાફ્ટ (POWERED AIRCRAFT)

માઇક્રો લાઇટ એરક્રાફ્ટ (MICROLIGHT AIRCRAFT)

હેંગ ગ્લાઇડર/પેરાગ્લાઇડર (HANG GLIDER/PARA GLIDER)

પેરા મોટર (PARA MOTOR)

હોટ એર બલૂન (HOT AIR BALLOONS)

પેરા જમ્પિંગ (PARA JUMPING)

આ આદેશનો ભંગ કરનાર વ્યક્તિઓ સામે ભારતીય ન્યાય સંહિતા-2023ની કલમ-223 હેઠળ કાર્યવાહી કરવામાં આવશે. આ માટે વડોદરા શહેરના અનાર્મ હેડ કોન્સ્ટેબલ અને તેનાથી ઉપરના અધિકારીઓને ફરિયાદ નોંધવાની સત્તા આપવામાં આવી છે. પોલીસ વિભાગ અને સુરક્ષા એજન્સીઓ દ્વારા રિમોટ સેન્સિંગ, ખાણકામ, કાયદો-વ્યવસ્થા, આંતરિક સુરક્ષા અને સંરક્ષણ હેતુઓ માટે ઉપયોગમાં લેવાતા ઉપકરણોને આ પ્રતિબંધમાંથી મુક્તિ આપવામાં આવી છે.