વડોદરા રેલવે સ્ટેશન પર આરામ ફરમાવતા મુસાફરના ખિસ્સામાંથી મોબાઈલ ચોરી કરનાર અને તેના સાગરીતને રેલવે પોલીસે રંગે હાથ ઝડપીને રૂપિયા 6 હજારનો મોબાઈલ ફોન કબજે કરીને વધુ પૂછપરછ શરૂ કરી છે.
આ અંગેની હકીકત એવી છે કે આજવા રોડના મહાવીર હોલ પાછળના ચોળાફળી વાળાના મકાનમાં રહેતા પર પ્રાંતિય બળદેવ કિશોરીલાલ શર્મા મૂળ રહે રાજસ્થાન) નો પુત્ર પિન્ટુ શર્માને રેલવે પોલીસે શંકાના આધારે પકડ્યો હતો. તપાસ દરમિયાન તેની પાસેથી ચોરીના મોબાઈલ ફોન વડોદરા રેલવે પોલીસે કબજે કર્યા હતા. પૂછપરછમાં મોબાઇલ ચોરે જણાવ્યું હતું કે પ્લેટફોર્મ નંબર ચાર પર રાત્રે ટ્રેનની રાહ જોતા એક મુસાફર સૂઈ ગયો હતો તેના ખિસ્સામાંથી રૂપિયા 6 હજારનો મોબાઈલ ફોન કાઢી લીધો હતો. પોલીસે તેના સાગરીત અને પરપ્રાંતીય મંગલુરામ ખુટ પણ પુત્રને પણ દબોચ્યો હતો.
તપાસ દરમિયાન પીન્ટુ શર્માના ખિસ્સામાંથી વધુ ત્રણ મોર મોબાઈલ ફોન મળી આવતા રેલવે પોલીસે વધુ તપાસ હાથ ધરી છે.
