- વિતેલા વર્ષમાં ભાદરવા પોલીસની હદમાંથી 52.16 લાખનો વિદેશી દારૂ તેમજ સાવલી પોલીસની હદમાંથી 3.69 લાખનો વિદેશી દારૂ ઝડપાયો હતો

વડોદરા જિલ્લાના સાવલી અને ભાદરવા પોલીસ મથકની હદમાં ઝડપાયેલ વિદેશી દારૂની 9488 નંગ બોટલો રૂપિયા 55,85,243ની કિંમતનો મુદ્દામાલ સક્ષમ અધિકારીઓની હાજરીમાં નાશ કરવામાં આવ્યો હતો. આ કામગીરીને જોવા આસપાસના ગામ લોકો ઉમટી પડ્યા હતા.

વડોદરા જિલ્લાના સાવલી તાલુકામાં વીતેલા વર્ષોમાં સાવલી પોલીસ મથક અને ભાદરવા પોલીસ મથકના અધિકારીઓ દ્વારા વિવિધ દરોડાઓમાં વિદેશી દારૂની હેરફેર કરનાર તત્વોને ઝડપી પાડવામાં આવ્યા હતા. જેમાં ભાદરવા પોલીસ મથકની હદમાં 6719 નંગ વિદેશી બોટલ કિંમત રૂપિયા 52,16,030નો મુદ્દામાલ તેમજ સાવલી પોલીસ મથકની હદમાંથી ઝડપાયેલ 2769 કિંમત રૂપિયા 3,69,213 મળી કુલ બંને પોલીસ મથકની હદની 9488 નંગ બોટલો રૂપિયા 55,85,243નો મુદ્દામાલ પર રોલર ફેરવીને નાબૂદ કરવામાં આવ્યો હતો. આ કામગીરી સમયે ડીવાયએસપી તેમજ પ્રાંત ઓફિસર નશાબંધી આપકારી વિભાગ તેમજ બંને પોલીસ મથકના અધિકારીઓ હાજર રહ્યા હતા.