- ભેજાબાજ આરોપીએ ભરતીનું લિસ્ટ, નિમણૂક પત્ર, ટ્રેનિંગ લેટર, જોઇનિંગ લેટર જેવા બોગસ દસ્તાવેજો પણ આપવામાં આવ્યા હતા

બરોડા ડેરીમાં નોકરી આપવાના નામે છેતરપિંડી કરવાના બનાવ અંગે વડોદરા એસ.ઓ.જીએ છોટાઉદેપુરના વોન્ટેડ આરોપીને ઝડપી પાડ્યો છે.

બરોડા ડેરીમાં નોકરી અપાવવાના નામે બે વ્યક્તિ પાસે 39 લાખ પડાવી લેવાના બનાવો અંગે પોલીસ ફરિયાદ નોંધાતા બાપોદ પોલીસ આરોપીની શોધખોળ કરતી હતી. આ બનાવમાં ભેજાબાજ દ્વારા ભરતીનું લિસ્ટ, નિમણૂક પત્ર, ટ્રેનિંગ લેટર, જોઇનિંગ લેટર જેવા બોગસ દસ્તાવેજો પણ આપવામાં આવ્યા હતા. પરંતુ ડેરી દ્વારા આવી કોઈ નિમણૂક કરવામાં નહીં આવી હોવાનું જાણવા મળતા બાબત પોલીસે ગુનો નોંધ્યો હતો. આ બનાવમાં પોલીસે ગમેશ ડુંગરાભાઈ રાઠવા (રહે. પલાસદા, ગમન ફળિયુ, કવાંટ, છોટાઉદેપુર)ને સોમા તળાવ પાસેથી ઝડપી પાડયો છે.