- વૃંદાવન ચોકડી પાસે મહાલક્ષ્મી સોસાયટીમાં રહેતા મયંક શરદ ગુપ્તાએ `શરીર સંબંધ બાંધવા નહીં દે તારા ફોટા-વીડિયો વાઇરલ કરવાની' ધમકી યુવતી પર વારંવાર દુષ્કર્મ ગુજાર્યું હતું

- યુવતીને ગર્ભ રહી જાતા ખાનગી હોસ્પિટલમાં ગર્ભપાત પણ યુવકે કરાવ્યો હતો

ડેટિંગ એપ્લિકેશન દ્વારા મિત્રતા થયા બાદ એક યુવાને નસીલા પદાર્થ દ્વારા યુવતીને અર્ધ બેભાન કરી દુષ્કર્મ ગુજાર્યા બાદ તેને બ્લેકમેલ કરી વારંવાર દુષ્કર્મ ગુજાર્યું હતું.

મૂળ મધ્યપ્રદેશના અને હાલમાં વાઘોડિયા રોડ પર વૃંદાવન ચોકડી પાસેની મહાલક્ષ્મી સોસાયટીમાં રહેતા મયંક શરદ ગુપ્તા ખાનગી કંપનીમાં ઉચ્ચ હોદ્દા પર કામ કરતી 27 વર્ષીય યુવતીના સોશિયલ મીડિયા પરની ડેટિંગ સાઇટ પરથી સંપર્કમાં આવ્યો હતો. જેથી યુવકે યુવતી સાથે મિત્રતા કેળવી હતી ત્યારબાદ તેની સાથે મીઠીમીઠી વાતો કરીને પ્રેમજાળમાં ફસાવી હતી. સોશિયલ મીડિયા પર વાતો કરતા હોવાથી યુવકે યુવતીને લગ્નની લાલચ આપી હતી. યુવતીને મયંક શરદ ગુપ્તા પર વિશ્વાસ આવી ગયો હતો.

આ દરમિયાન 27 જુલાઇના રોજ યુવક યુવતીને તેના વાઘોડિયા રોડ પર આવેલા મકાને લઇ ગયો હતો અને કોલ્ડ્રિક્સમાં કોઇ નશીલો પદાર્થ ભેળવીને પીવડાવી યુવકે તેની સાથે બળજબરી બળાત્કાર ગુજાર્યો હતો. આ ઉપરાંત યુવતી સાથે અશ્લીલ ફોટા અને વીડિયો ઉતારી લીધા હતા. જેનાથી યુવતીને યુવકે બ્લેક મેલ કરવાનું શરૂ કર્યું હતું. જો તુ શરીર સંબંધ બાંધવા નહી દે તારા બીભત્સ ફોટા અને વીડિયો વાઇરલ કરી નાખીશ તેવી ધમકી આપીને યુવતી પર વારંવાર દુષ્કર્મ ગુજાર્યું હતું. 

યુવતીને ગર્ભ રહી જાતા ખાનગી હોસ્પિટલમાં ગર્ભપાત પણ યુવકે કરાવ્યો હતો. યુવતીને વાંરવાર બ્લેકમેલ કરી ફરી શરીર સંબંધ બાંધવા દેવાની માગણીથી કંટાળી ગયેલી યુવતીએ બાપોદ પોલીસ સ્ટેશનમાં ફરિયાદ નોંધાવી હતી. પોલીસે આરોપી મયંક ગુપ્તાની ધરપકડ કરી આગળની કાર્યવાહી હાથ ધરી છે.