- કોર્ટે આરોપી અલ્પેશલાલ વણજારા (રહે. ભાદરવા)ને વર્ષ 2018ના ગુનામાં કોર્ટે એક વર્ષની સાદી કેદ અને દંડની સજા ફટકારી હતી

વડોદરા ગ્રામ્ય પોલીસ દ્વારા ચલાવવામાં આવી રહેલા 'ઓપરેશન પરાક્રમ' અંતર્ગત ભાદરવા પોલીસે સજા વોરંટમાં ફરાર આરોપીને ઝડપી પાડ્યો છે. આ કાર્યવાહી દ્વારા કોર્ટના આદેશનો અમલ કરવામાં આવ્યો છે.

પોલીસ પાસેથી મળેલી માહિતી મુજબ, અલ્પેશલાલ કનુલાલ વણજારા (રહે. ભાદરવા, તા. સાવલી, જિ. વડોદરા) સામે વર્ષ 2018ના ગુનામાં કોર્ટે એક વર્ષની સાદી કેદ અને દંડની સજા ફટકારી હતી. કોર્ટે અલ્પેશલાલને રૂ. 2,66,448ની રકમ ભરપાઈ કરવાનો પણ આદેશ કર્યો હતો. જોકે, સજા જાહેર થયા બાદ આરોપી ફરાર થઈ ગયો હતો, જેના કારણે તેની શોધખોળ ચાલી રહી હતી.

23 જૂન, 2026ના રોજ ભાદરવા પોલીસને ચોક્કસ બાતમી મળી હતી. આ બાતમીના આધારે પોલીસે વોચ ગોઠવી ફરાર આરોપી અલ્પેશલાલ કનુલાલ વણજારાને ઝડપી પાડી કાયદેસરની કાર્યવાહી હાથ ધરી હતી.આ સમગ્ર કામગીરી વડોદરા ગ્રામ્ય જિલ્લા પોલીસ અધિક્ષક સુશીલ અગ્રવાલના માર્ગદર્શન હેઠળ અને નાયબ પોલીસ અધિક્ષક કે.કે. ઠાકુરની દેખરેખમાં ભાદરવા પોલીસ સ્ટેશનના અધિકારીઓ અને કર્મચારીઓ દ્વારા સફળતાપૂર્વક પાર પાડવામાં આવી હતી.