બાપોદ પોલીસ મથકની હદમાં એક બંધ મકાનમાંથી રોકડ રકમ તેમજ સોનાના ઘરેણાની ચોરી થઈ હોવાની ફરિયાદ નોંધાઈ હતી. પોલીસે ચોરને ઝડપી મુદ્દામાલની રિકવરી કરી હતી.
14 ઓગસ્ટથી 16 ઓગસ્ટની દરમિયાન એક બંધ મકાનમાંથી ચોરી થઈ હોવાની ફરિયાદ નોંધાઈ હતી. ચોરે મકાનની પાછળની લોખંડની ગ્રીલ તોડી ઘરની બેડરૂમની તિજોરીમાંથી રૂપિયા 5,000 રોકડા તેમજ સોનાની ઇયરિંગ્સની ચોરી કરી હતી. મકાન માલિક જ્યારે પરત આવ્યા ત્યારે તેઓને ચોરી થઈ હોવાની જાણ થતા તેઓએ પોલીસમાં ફરિયાદ નોંધાવી હતી. બાપોદ પોલીસે એકતા નગરમાં રહેતા સાકીદ શેખની ધરપકડ કરી તેની પાસેથી કુલ રૂપિયા 35000નો મુદ્દામાલ રિકવર કર્યો હતો.
