વડોદરાના વાઘોડિયા તાલુકામાં વીજ લાઈનનું રીપેરીંગ કરતી વખતે વધુ એક યુવાનનું મોત નીપજ્યું છે.
વડોદરાના વાઘોડિયા તાલુકાના આમોદર ગામમાં ટ્રીટ લાઇટનું રીપેરીંગ કરવા માટે ગ્રામ પંચાયતના વીજ થાંભલા પર ચઢીને નરેશ પ્રભાતસિંહ પટેલ ઉંમર વર્ષ 31 કામ કરતો હતો. તે વખતે અચાનક વિજ કરંટ લાગતા નરેશ વીજ પોલ ઉપરથી નીચે પડી જતા તેને સારવાર માટે ખસેડાયો હતો. જ્યાં તેનું ટૂંકી સારવાર દરમિયાન મોત નીપજ્યું છે.
ઉલ્લેખનીય છે કે, આ અગાઉ વાઘોડિયાના સિદ્ધિ ઇન્ડસ્ટ્રીયલ પાર્કમાં મેન્ટેનન્સનું કામ કરતી વખતે ત્રણ કર્મચારીઓ મોટી સીડી લઈને પસાર થતા હતા. ત્યારે 11 kvની વીજલાઈન ઉપર સીડી ટચ થતાં સુખદેવ મુલાની નામના શખ્સને વીજ શોક લાગ્યો હતો અને તે સ્થળ પર જ સળગી જતા તેનું મોત નીપજ્યું હતું. જ્યારે અન્ય બે ને ઈજા થઈ હતી.
