- ઉંડેરા ગંગાનગર ખાતે યુવકની બાઇક સ્લિપ થઇ જતા તે ઉછળીને ડિવાઇડર સાથે અથડાતા માથામાં ગંભીર ઇજા થઇ હતી

ક્રિકેટ રમીને પરત આવતા સમયે બાઇક સ્લિપ થતા માથામાં ગંભીર ઇજા થતા ૨૩ વર્ષના યુવકનું સ્થળ પર જ મોત થયું હતું.

ગોરવા સનસાઇન એપાર્ટમેન્ટમાં રહેતો પ્રફુલ્લભાઇ કંચનભાઇ એક ઇવેન્ટ કંપનીમાં સફાઇ કામદાર તરીકે કામ કરે છે. તેમનો દીકરો દેવરાજ ગઇકાલે રાત્રે ઇવેન્ટનું કામ પૂરૂં કરીને રાબેતા મુજબ ક્રિકેટ રમવા માટે ઉંડેરા ગયો હતો. મોડીરાત્રે ક્રિકેટ રમીને દોઢ વાગ્યે તે બાઇક લઇને ઘરે આવતો હતો. તે દરમિયાન ઉંડેરા ગંગાનગર ખાતે તેની બાઇક સ્લિપ થઇ જતા તે ઉછળીને ડિવાઇડર સાથે અથડાતા માથામાં ગંભીર ઇજા થઇ હતી. તેનું સ્થળ પર જ મોત થયું હતું. જે અંગે જવાહરનગર પોલીસે ગુનો દાખલ કરી કાર્યવાહી હાથ ધરી છે.