- ૩ મહિનાથઈ પગાર ન મળતો હોવાથી હંગામી કર્મચારીઓ ઘર કેવી રીતે ચાલે એવા પણ સવાલો કર્યા

- હંગામી કર્મીઓએ લેબર કમિશનર કચેરીએ જઈ ભારે સૂત્રોચ્ચાર કર્યો

GSFC કંપનીના કોન્ટ્રાક્ટના 120 જેટલા હંગામી કર્મીઓને છેલ્લા ત્રણ મહિનાથી પગાર આપવામાં આવ્યો નથી. જેથી, તમામ કર્મીઓ એકત્ર થઈને રજૂઆત કરવા લેબર કમિશનર કચેરીએ પહોંચ્યા હતા. જ્યાં ભારે સૂત્રોચ્ચાર સાથે અમે અમારો હક માંગીએ છીએ, નથી કોઈની ભીખ માંગતા જેવો ભારે સૂત્રોચ્ચાર કર્યો હતો. આ અંગે તેઓએ લેબર કમિશનરને રજૂઆત કરી પોતાની વાત મૂકી હતી.

GSFCમાં હંગામી કર્મચારીઓને કોન્ટ્રાક્ટ કર્મીઓ તરીકે નોકરીએ લેવાયા હતા. જેમાં મોટાભાગના કર્મચારીઓ દશરથ ગામના હતા. ગત ફેબ્રુઆરી માસથી તમામ 100થી વધુ કર્મીઓને પગાર આપવામાં આવ્યો નથી. કેટલા યુનિટો બંધ થયા હોવાનું GSFC તંત્ર દ્વારા જણાવાઇ રહ્યું છે. જોકે, લેબર કમિશનર ક્ચેરીએ અગાઉ પણ પગાર બાબતે રજૂઆતો કરી હતી.

કર્મચારીઓનું કહેવું છે કે, GSFCમાં વર્ષોથી નોકરી કરીએ છીએ અને અત્યાર સુધી પગાર મળતો હતો પરંતુ, છેલ્લા ત્રણ મહિનાથી પગાર મળ્યો નથી. મોટાભાગના હંગામી કર્મચારીઓ દશરથ ગામના છે અને તેથી તેમને હેરાન કરાતા હોવાનો આક્ષેપ કરાયો છે. પગાર ન મળતો હોવાથી કર્મચારીઓ ઘર કેવી રીતે ચાલે એવા પણ સવાલો હંગામી કર્મીઓએ કર્યા હતા. રજૂઆત માટે આવેલા આ હંગામી કર્મીઓએ લેબર કમિશનર કચેરીએ જઈ ભારે સૂત્રોચ્ચાર કર્યો હતો. તેઓએ અમે અમારો હક માંગીએ છીએ, કોઈ ભીખ નથી માંગતા સહિત અમે હિન્દુસ્તાની નાગરિકો છીએ તેવા ભારે સૂત્રોચ્ચાર સાથે વિરોધ નોંધાવી પોતાની રજૂઆત કરી હતી.